Үкімет отырысында ұлттық экономика министрі Руслан Дәленов
жыл соңына дейін бизнес субъектілеріне жоспарлы салықтық тексерулер жүргізілмейтінін жариялады.
"Мемлекет басшысының тапсырмасы бойынша осы жылдың 1 қаңтарынан бастап 3 жылға шағын және микрокәсіпкерлікке тексеру және профилактикалық бақылау жүргізуге мораторий енгізілгенін білесіздер. Сонымен қатар жыл соңына дейін бизнестің барлық санаттағы субъектілері үшін жаңа жоспарлы салықтық тексеру жүргізілмейді", – деді Руслан Дәленов.
Министрдің мәлімдеуінше, кәсіпкерлердің құқығын қорғау үшін олардың "адалдық" презумпциясына басымдық беріледі.
"Заңнамадағы әртүрлі түсініктер адал кәсіпкерлердің пайдасына қолданылады", – деді Руслан Дәленов.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
