Қуат Тұмабаев Сауда министрлігінде экспортты дамыту департаментін бір ай бойы басқарып келген. Бірақ қызметтен Тұмабаев мамырдың 11-і күні өз еркімен кетіпті. Ал бұған дейін экс-шенеунік Nur Otan партиясының беделін түсіргені үшін мүшеліктен шығарылған. Дәл сол кезде министр Бақыт Сұлтановқа Тұмабаевты қызметінен қуу туралы ұсыныс хат та жолданған. Есте болса, осыдан 3 жыл бұрын Қуат Тұмабаевтың жүргізушісі мас күйінде көлік айдап, кісі қағып өлтірген болатын. Сорақысы, Өскеменнің бұрынғы басшысы оқиға орнынан басқа көлікке отырып, ізін суытқан. Кейін Шығыс Қазақстан облысының әкімі Даниал Ахметов оның мұндай жоғары лауазымға лайық еместігін айтып, қызметінен босатты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
