Америкалық ақ халаттылар миға чип орнату отасын сәтті жасады. Операциядан кейін төсекке таңылған науқас қозғалған. Бұл туралы inbusiness.kz тілшісі Reurers.com-ға сілтеме жасап хабарлайды.
Бұл әдіс болашақта сал ауруы, саңыраулық секілді дертті емдейді, дейді дәрігерлер.
Адамды ауыр дерттен емдеу үшін миға бірнеше чип орнатуға болады. Бұл микроэлектродты имплантаттың көмегімен бас миы мен жұлынды байланыстырады. Нәтижесінде жасанды интеллект адам ойын электр сигналдарына айналдырып, оны бұлшықет пен жұлынға бағыттайды.
"Бұл әдісті көп жерде қолдануға болады. Мысалы, адамның жұлыны зақымданғанда ғана емес, инсультке ұшыраған науқастарға көп көмегі тиюі мүмкін,"- деді Файнштейн атындағы биоэлектронды медицина институтының профессоры Чад Бутон.
