"Конституциядағы Тұңғыш Президенттің айрықша мәртебесі туралы тұстардың бәрі алынып тасталған. Сәйкесінше қазір заңнаманы Конституцияға сәйкестендіру жұмыстары жүріп жатыр", - деді министр.
Сондай-ақ ол Парламенттен аталмыш заңның күшін жою туралы бастама түскен жағдайда министрлік пысықтауға алатынын атап өтті.
"Әрине, заңнама Конституцияға сәйкестендіріледі. Сәйкесінше Тұңғыш Президент туралы заңның өз функциясын жоғалтқаны туралы шешім қабылданады. Жұмыс жоспар бойынша жүріп жатыр. Әзірше мерзімі жоқ. Заң шығару бастамасы Үкіметке ғана тиесілі емес, Президент пен Парламетке де тиесілі. Сондықтан ондай бастама депутаттар тарапынан да берілуі мүмкін. Бірақ қазіргі таңда Әділет министрлігіне Парламенттен ондай заң жобасы түскен жоқ. Түскен жағдайда пысықталады", - деді Қанат Мусин.
