Женевадағы брифингте оның бас директоры Тедрос Аданом Гебрейесус айтқандай, ДДҰ-ның жаңа есебіне сәйкес, 2022 жылы мерезді жұқтыру саны 1 миллионға өсіп, 8 миллионға жетті, 230 мың науқас қайтыс болды, деп жазады inbusiness.kz.
"Жаңа деректер көптеген аймақтарда жыныстық жолмен берілетін аурулардың көбеюін көрсетеді", — деп атап өтті ол, "2022 жылы 15-49 жас аралығындағы адамдар арасында мерездің жаңа жағдайларының саны миллионға жуық өсіп, 8 миллионға жетті және 230 мың адам қайтыс болды".
Ауру әсіресе Америка мен Африка тұрғындары арасында тарап жатыр.
Есепке сәйкес, полирезистентті гонореяның жиілігі де өсті. 2023 жылғы жағдай бойынша тоғыз ел гонорея қоздырғышының дәрі-дәрмектерге төзімділігінің жоғарылағанын анықтады. ДДҰ АИТВ және вирустық гепатит жыл сайын 2,5 миллион адамның өмірін қиып, денсаулық сақтау саласында "күрделі проблемалар туғызуда" деген қорытындыға келді.
2022 жылы В гепатитінің 1,2 миллионға жуық жаңа жағдайы және С гепатитінің 1 миллионға жуық жаңа жағдайы тіркелді, сарапшылардың бағалауынша, вирустық гепатиттен қайтыс болғандар саны 2019 жылғы 1,1 миллионнан 2022 жылы 1,3 миллионға дейін өсті. АИТВ-ның жаңа жағдайларының саны азайғанымен (2020 жылы 1,5 миллионнан 2022 жылы 1,3 миллионға дейін), онымен байланысты өлім-жітім жоғары болып қала береді: 2022 жылы 630 мың адам қайтыс болды.
