Африкада жұмыс істейтін ғалымдар тобы Ангола әуежайындағы саяхатшылардан коронавирустың 34 мутациясы бар жаңа штамын тапты, деп хабарлайды Inbusiness.kz порталы жергілікті БАҚ-қа сілтеме жасап.
Коронавирустың жаңа түрі ақпан айының ортасында Танзаниядан келген туристерден анықталды.
"Олардан табылған вирустардың геномдары іс жүзінде бірдей болды", – дейді мамандар.
Коронавирустық инфекцияның жаңа штамына уақытша A.VOI .V2. атауы берілді. Ғалымдардың пікірінше, бұл мутациялардың барлығы вирустың антиденелерге төзімділігін арттырып, оның таралу қасиетін арттыруы мүмкін.
Бұған дейін Бразилияда коронавирустың жаңа қауіпті штамы табылды. Бұл штамда 18 мутация бар екенін жарияланды. Минас-Жерайс штатының астанасы Белу-Оризонти қаласында табылған инфекцияның бұл түрі бұрын анықталған қауіпті COVID-19 түрлеріне тән қасиетіне ие. Бірқатар мутация британиялық, оңтүстікафрикалық және басқа екі бразилиялық штамдарға тән екені анықталды.
Табиғат Нұрболат
