Африкада босқындар арасында маймыл шешегінің (mpox) кем дегенде 88 жағдайы тіркелді, оның 68-і Конго Демократиялық Республикасындағы босқындар арасында анықталды, деп жазады inbusiness.kz сайты.
"Бұл жаңа mpox індеті халықтың ең осал топтарына, соның ішінде босқындар мен қиын жағдайда өмір сүретін күштеп қоныс аударған қауымдастықтарды қоса алғанда, бірінші кезекте әсер етеді", — деді БҰҰ БЖКБ қоғамдық денсаулық сақтау бөлімінің басшысы Аллен Майна.
Оның айтуынша, босқындар көбінесе адамдар көп жиналатын жерлерде тұрады, қауіпсіз суға, гигиеналық құралдар мен тағамға қол жеткізе алмайды, медициналық көмек алуда үлкен қиындықтарға тап болады, сәйкесінше жұқтыру қаупі де артады.
Ұйымға жыл соңына дейін маймыл шешегінен зардап шеккен елдердегі босқындарға жедел әрекет ету және алдын алу шараларын жедел кеңейту үшін 21,4 миллион доллар қажет. Бұл шаралар Африканың 35 еліндегі 9,9 миллион мәжбүрлі қоныс аударушылар қауымдастықтарды қолдауға бағытталатыны хабарланды.
