Африканың шығысында ойран салған Идай тропикалық циклонынан көз жұмғандардың саны 446-ға жетті. Бұл туралы жергілікті билік өкілдері хабарлады, деп жазады 24.kz.
Еске сала кетейік, сағатына 170 шақырымды құраған қатты дауыл алдымен Мозамбиктің Бейра қаласының астан-кестеңін шығарған еді. Артынша табиғи апат Зимбабве және Малави елдеріне өткен.
Мозамбиктің қоршаған ортаны қорғау министрі Селсу Коррейяның хабарлауынша циклоннан 531 мың адам зардап шеккен. Сондай-ақ су тасқыны тырысқақ дертінің өршуіне жол ашып отыр. Апат орнында құтқару-іздестіру жұмыстары жалғасып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
