Африканың шығысындағы елдер Идай тропикалық циклонынан есеңгіреп қалды. "Нью Йорк Пост" газетінің хабарлауынша, табиғат апатынан шамамен 150 адам қаза тапты. Із түзсіз жоғалғандардың қатары да 150-ге жуықтаған, деп хабарлайды 24.kz.
Долы дауылдан ең көп зардап шеккен Мозамбик, Зимбабве мен Малави елдері болды. Бұл елдерде тұрғын үйлердің тас-талқаны шығып, электр желілері үзілген. Аймақтағы жолдарды су шайып кетті.
Құтқарушылар оқшауланған елдімекендерге жете алмай әлек. Әскери тікұшақтар қонатын жер таба алмай жатыр. Дүниежүзілік денсаулық сақтау ұйымы болса, циклоннан зардап шеккендерге гуманитарлық апат қаупі төніп тұр деп дабыл қақты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
