"Агенттік бизнестің мүдделерін қозғайтын кез келген тергеу әрекеттерін қосымша келісуді көздейтін алгоритм әзірледі. Негізсіз ұстауларға, тінтулерге, негізсіз ақпарат алуға жол бермеу үшін қызметкерлердің іс-әрекеттеріне бақылау қатаңдатылады", - деп жазылған агенттік таратқан хабарламада.
Сондай-ақ ведомство қызметкерлері мен "Атамекен" ҰКП өкілдерінен тұратын арнайы жұмыс тобы құрылатынын атап өтті.
"Топтың негізгі міндеті – ақпаратты жедел алу және бизнестің шағымдары бойынша мәселелерді алқалы түрде қарау. Топ тексеру бойынша шағымдарды және кәсіпкерлерге қатысты басқа мемлекеттік органдардың сыбайлас жемқорлық әрекеттері туралы өтініштерді қарайды", - деп жазылған хабарламада.
Айта кетейік, бұл шаралар Мемлекет басшысының бизнесмендермен кездесуінде айтылған тапсырмаларын орындау үшін қабылданды.
