AIX бөлшек инвестицияларды ынталандыру үшін комиссияларды азайтады, деп хабарлайды inbusiness.kz.
Astana International Exchange (бұдан әрі - "AIX", "Биржа") AIX басқармасының шешімі негізінде 2022 жылғы 1 желтоқсаннан бастап AIX комиссиялары өзгертілетінін қуана хабарлайды. Акциялармен сауда және есеп айырысу операциялары үшін Комиссия (биржалық сауда-саттық қорларын (ETF) қоса алғанда) әр сауда-саттықтан 0,01% (бұрын 0,05%) құрайды.
Одан бөлек, 2022 жылғы 08 желтоқсан мен 2023 жылғы 07 наурызды аралығындағы кезеңде инвесторлар қайталама нарықтағы "ҚазМұнайГаз" ҰК акцияларының саудасы мен есептеулері үшін комиссиялардан босатылатын болады.
"Біздің басты мақсаттарымыздың бірі - AIX-ті бөлшек инвесторлар үшін тартымды әрі ыңғайлы ұзақ мерзімді инвестициялау алаңына айналдыру. Біз инвесторларға дұрыс шешімдер қабылдауға және саналы инвестициялық мінез-құлықты қалыптастыруға мүмкіндік беретін қауіпсіз әрі сенімді ортаны құрдық. Ұсынылатын инвестициялық өнімдер Қазақстан азаматтарының қаржылық әл-ауқатын жақсартуға ықпал ету үшін қолжетімді, түсінуге оңай әрі тиімді болуы тиіс деп санаймыз", - деді Ренат Бектұров, AIX басқарма төрағасы.
