"Самұрық-Қазына" АҚ басқарма төрағасы Ахметжан Есімов "Қазақстан Инжиниринг" ҰК" АҚ және "Самұрық-Қазына Инвест" ЖШС жаңа басшыларын тағайындады, деп хабарлайды "Самұрық-Қазына" АҚ-ның қоғаммен байланыс департаменті.
"Қазақстан Инжиниринг" ҰК" АҚ басқарма төрағасы лауазымына Құрманғалиев Әсет Қабиұлы тағайындалды.
Әсет Құрманғалиев 2017 жылдың қыркүйек айынан ҚР қорғаныс және аэроғарыш өнеркәсібі вице-министрі қызметін атқарды және "Қазақстан Инжиниринг" ҰК" АҚ директорлары кеңесінің мүшесі болды. 1998-2017 жылдар аралығында Әсет Құрманғалиев ҚР қорғаныс министрлігінде, Астана әкімдігінде, "Нұр Отан" партиясы орталық аппаратында және ҚР парламенті мәжілісі "Нұр Отан" партиясы фракциясының аппаратында әртүрлі басшылық қызметтерді атқарды.
"Самұрық-Қазына Инвест" ЖШС бас директоры қызметіне Әбдімомынов Нұржан Құрманбекұлы тағайындалды. Нұржан Әбдімомынов 2010-2018 жылдар аралығында ҚР СІМ шетелдік өкілдіктерінде еңбек етті: ҚР-ның Португалиядағы уақытша сенімді өкілі, ҚР-ның Гонконгтағы және Макаодағы бас консулы. 2006-2009 жылдар аралығында "Қазпошта" АҚ басқарма төрағасының орынбасары қызметін атқарды. Нұржан Әбдімомынов Данди университетінің түлегі және қазақ, орыс, ағылшын, қытай және португал тілдерін меңгерген.
