Өзбекстан өкілі Гафур Рахимов Халықаралық әуесқой бокс федерациясы (AIBA) президенттігіне жалғыз үміткер атанды. Өйткені оның бәсекелесі Серік Қонақбаев кандидатурасын қолдайтын хаттары жеткіліксіз болды. Бұл туралы Insidethegames хабарлап отыр, деп жазады /kaz.vesti.kz.
Портал мәліметінше, үміткерлер тізімі ресми түрде 3 қазанда жарияланады. Қонақбаев кандидатурасын тіркеу үшін 20 елдің қолдауын алып үлгермеді. Мәлімет көзінің ақпаратынша, Қонақбаев шешімге шағым түсірмек.
Қазіргі таңда Рахимов AIBA президентінің қызметін атқарушы. Ұйым басшысын таңдау қазанда Мәскеудедегі конгрессте өтеді.
Мұның алдында Халықаралық олимпиада комитеті Рахимовты сайлауға түспеуін сұраған. Өйткені Рахимовтың президент болуы ХОК-тың боксты Олимпиада ойындарының бағдарламасында қалдыру туралы шешіміне әсер етуі мүмкін. Ал АҚШ Қаржы министрілігінің Шетелдік активтерді бақылау департаменті Рахимовты Өзбекстанның басты қылмыскерлерінің бірі ретінде тізімге алған. Сонымен қатар, бұл мекеме Рахимовқа кез келген қаржы операциясын доллармен жүргізуге тыйым салды.
2017 жылы қарашада AIBA Чинг-Куо Вуды ұйым президенттігінен уақытша шеттеу туралы шешім қабылдаған, ол 2 қыркүйекте оны өмір бойына дисквалифициялады.
