АІВА 2019 жылы өтетін бокстан әйелдер арасындағы әлем чемпионатының мерзімін жариялады, деп жазады Olympic.kz.
Халықаралық қауымдастық мәліметінше, әйелдер арасындағы әлем біріншілігі 3-13 қазан аралығында Улан-Удэ (Бурятия республикасы, Ресей Федерациясы) қаласында өтеді.
Боксшы қыздар арасындағы әлемдік дода 2001 жылдан бері ұйымдастырылып келеді. Қазақстан 2016 жылғы әлем чемпионатын Астанада өткізген болатын. Өз жерімізде біздің спортшыларымыз 4 алтын медаль жеңіп алды.
Атап айтар болсақ, Назым Қызайбай (48 келі), Дина Жоламан (54 келі), Валентина Хальзова (69 келі) және Ләззат Күнгейбаевалар (+81 келі) алтыннан алқа тақты.
Былтыр Үндістанда өткен әлем чемпионатында Қазақстан боксшылары бір күміс, бір қола медаль иеленді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
