Ақтөбе облыстық төтенше жағдайлар департаменті баспасөз қызметінің хабарлауынша, 16-сәуір күні Әйтеке би ауданында ер адам мал іздеуге кетіп, оралмағаны туралы хабар келді.
35 жастағы ер адам Толыбай ауылынан Жабасақ ауылы бағытына қарай мал іздеп шыққан. Кейін хабар-ошар үзілген. Сол күні ауданда дауылды ескерту жарияланған болатын. Жоғалған азаматты іздеуге аудандық төтенше жағдайлар бөлімі, полицейлер мен тұрғындар шыққан.
Тек үш тәуліктен соң Ақсу қыстағының маңынан 5 км қашықтықта әбден әлсіреген ер адамды табады. Ол үш күн бойы ас-сусыз далада түнеген. Құтұарушылар мал іздеуге шыққан тұрғынды аман-есен Толыбай ауылына жеткізді. Жағдайы жақсы. Дәрігерлер бақылауына алды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
