/img/tv.svg
RU KZ
DOW J 29 201,99 Hang Seng 28 327,89 KASE 2 347,58 FTSE 100 7 617,67 РТС 1 630,99 Brent 64,11
Ауа райы:
-6Нур-Султан
-1Алматы
DOW J 29 201,99 Hang Seng 28 327,89
KASE 2 347,58 FTSE 100 7 617,67
РТС 1 630,99 Brent 64,11
Әйелдер бизнесіне арналған 100 идея каталогы жасалды

Әйелдер бизнесіне арналған 100 идея каталогы жасалды

Электронды оқу құралы онлайн қолжетімді болады.

06 Желтоқсан 2019 13:39 199

Әйелдер бизнесіне арналған 100 идея каталогы жасалды

Фото: ortcom.kz

«Атамекен» ҚР ҰКП Қазақстандағы «БҰҰ-әйелдер» құрылымы және ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссиямен бірлесе отырып, бизнеске арналған идеялар топтамасын жасады. Электронды каталогта нарықтың 8 түрлі сегменті бойынша әйелдер кәсіпкерлігі үшін жүз жоба ұсынылған. Жобалар сұлулық пен денсаулық, тағам өнеркәсібі, басқа да өнеркәсіп түрлері, ауыл шаруашылығы, білім беру және тренингтер өткізу, ойын-сауық және туризм индустриясы, үй шаруашылығы, сондай-ақ тұрмыстық қызмет көрсету салаларынан тәжірибеге негізделген ұсыныстар бар.

Каталогты әзірлеушілер әр бизнесті сипаттап, нарыққа талдау жасайды, кәсіпкердің ай сайынғы табысы пен тәуекелдерін көрсетеді. Бизнесті бастау үшін қажетті қаржы мөлшері мен ай сайынғы шығындар және кірістерді нақты сандар арқылы есептейді. Сонымен қатар, каталогта маркетингтік стратегия, өндіріс технологиясы және қаржыландыру көзі жайлы да айтылады.

Ұлттық кәсіпкерлер палатасы төрағасының орынбасары, Іскер әйелдер кеңесінің төрағасы Лаззат Рамазанова әзірленген каталог нақты зерттеулер негізінде жасалуымен ерекшеленетінін айтты.

«Іскер әйелдер кеңесін құрудағы басты мақсатымыз – бизнесі жақсы дамыған әйелдер өз тәжірибесімен бөлісіп, кәсіпкерлікті жаңа бастаған қыз-келіншектерді жігерлендіріп, бизнес ашуына ықпал етуі болатын. Алған бағытымыз дұрыс сияқты. Оған дәлел – биылғы жылдың ортасында Біріккен ұлттар ұйымымен бірлесе отырып, еліміздің қыз-келіншектеріне арналған жаңа бизнес идеялары топтамасын жасадық. Оны «100 жоба» деп атадық. Шартты түрде «100» деп атағанымызбен, жақсы идеялар 200 де, 300 де болуы мүмкін», – деді Іскер әйелдер кеңесінің төрағасы.

Лаззат Рамазанова сөзінде әйелдер кәсіпкерлігіне қатысты статистикалық мәліметтер бере кетті: «Қазақстан халқының 52%-ы әйелдер. Бұл 9 миллионнан артық адам. Бүгінгі күні елімізде бір жарым миллионның үстінде кәсіпкерлік субъектілері тіркелген. Олардың 42%-ын әйелдер басқарып отыр. Ал 3 миллион адам шағын және орта бизнес кәсіпорындарында жұмыс істейді. Кәсіпкерлікпен айналысу – кез келген мемлекет үшін халықты жұмыспен қамтудың және әлеуметтік мәселелерді шешудің төте жолы», – деді ол.

Нұржан Көшкін

Шағын және орта бизнес, әйелдер бизнесі, кәсіпкерлік, Лаззат Рамазанова

inbusiness.kz-ті қараңыз, оқыңыз :

Шенеуніктердің салғырттығы төбелес пен шығындарға әкеп соқты

«Атамекен» ҚР ҰКП Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңестің отырысы өтті.

17 Қаңтар 2020 11:08 53

Шенеуніктердің салғырттығы төбелес пен шығындарға әкеп соқты

2020 жылдың 16 қаңтарында Қайырбек Сүлейменовтың төрағалығымен, сондай-ақ мемлекеттік органдар және бизнес өкілдерінің қатысуымен «Атамекен» ҚР ҰКП Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңестің отырысы өтті

Күн тәртібінде екі мәселе: мемлекеттік органдардың бизнестің инновациялық жобаны жүзеге асыру бойынша  қызметіне заңсыз араласуы және кедергі келтіруі, сонымен қатар дүкенді жалға алу мәселесі қаралды, аталған сауда объектісі шенеуніктердің қателігі салдарынан «дау ошағына» айналып, тіпті екі кәсіпкердің төбелесіне түрткі болған.

Бірінші проблема «Global Chemicals Company» компаниясына қатысты, аталған кәсіпорын байқау негізінде ҚР Үкіметі және Дүниежүзілік банктің грантын жеңіп алды. Осылайша жауапкершілігі шектеулі серіктестік 2018 жылдан бері «Карбоксимилатталған крахмал алу технологиясын әзірлеу» жобасын іске асырып келеді. Жобаның тиімділігі білім және ғылым министрлігі сарапшыларымен, сондай-ақ халықаралық сарапшыларымен зерттеліп, оның мемлекет үшін тиімділігі расталған болатын.

Алайда, біраз уақыт өткен соң ҚР Білім беру министрлігінің Ғылым жөніндегі комитеті тарапынан жобаны жүзеге асыру бойынша жұмыс негізсіз ұзара бастады, аталған ведомство министрліктің грант бөлуге келісіміне қатысты қабылдаған шешімін тексере бастап, нәтижесінде екі жыл ішінде жобаның іске асырылуы толығымен тоқтаған. Бұл мәселені Кеңес отырысында қарау мемлекеттік органның компанияның өндірістік қызметіне негізсіз араласуын көрсетті.

 «Комитеттің өкілдері заңнаманың талаптарын бұзып, ЖШС-дан заңнамамен қарастырылмаған қосымша шарттарды орындауды талап еткен,  бұл талаптар қосалқы жобаның іске асырылуын созып қана қоймай, сондай-ақ кәсіпкерлік субъектісіне қосымша қаржылық ауыртпалық әкеледі», – деп атап өтті Кеңестің төрағасы Қайырбек Сүлейменов.

Нәтижесінде Заң талаптарын бұзып Комитет комитетке заңсыз санкцияларды қолданып, қосалқы жобаның жүзеге асырылуын тоқтатты.  

 Талқылау барысында Кеңес мүшелері сыбайлас жемқорлық тәуекелдерін жою және мемлекеттік саясаттың тиімді жүзеге асырылуын қамтамасыз ету үшін Қазақстан Республикасы Білім және ғылым министрлігіне мақсатында Комитет қызметкерлерінің іс-әрекеттерін нақты реттеу қажеттілігін қарастыруды ұсыну туралы шешім қабылдады.

«Компанияның қол қойылған келісім бойынша міндеттемелерді іске асыруды шектейтін субъективті себептерді алып тастауды қамтамасыз ету қажет. Сонымен қатар жобаның іске асырылуын 14 айға шегерген заңсыз әрекеттер жасаған өкілетті тұлғалардың жауапкершілігі туралы мәселені қарау қажет деп санаймын», – деп санайды Кеңес төрағасы.

 Екінші мәселе тұрғын емес орынжайды ұзақ мерзімге жалға алуға қатысты, аталған орынжайды кәсіпкер Нұр-Сұлтан қаласы Әділет департаментінде тіркеген. Кейін кәсіпкер әйелге орынжайды жалға беруден заңсыз бас тартқан, осы ретте ол орынжайға күрделі жөндеу жұмыстарын жүргізіп қойған. Ұзаққа созылған пікірталастың арты дауға айгалды, өйткені мемлекеттік орган аталған орынжайды басқа кәсіпкерге жалға берген.

Прокуратура және полиция қызметкерлерінің әрекетсіздігі салдарынан жәбір көрген кәсіпкер әйел жалға алынған орынжайды заңсыз тартып алу фактісі бойынша  «Атамекен» Ұлттық кәсіпкерлер палатасына көмегіне жүгінген. Осыған дейін жалға алынған орынжайда кәсіпкердің «Brand Media» дүкені орналасқан. Кәсіпкердің Нұр-Сұлтан қаласы полиция департаменті, ІІМ Тергеу департамені басшылығына жасаған өтінімдері нәтиже бермеді.

«Демек, сот орындаушылары кәсіпкердің бірнеше рет өтінім жасауына қарамастан сот шешімін орындамаған, қылмыстық іс бойынша шешім қабылданбаған, кәсіпкер әйелдің орынжайды заңсыз  иеленген екінші кәсіпкерден соққы алуы  бойынша шешім қабылданбаған», – деп атап өтті Қайырбек Сүлейменов.

Соның нәтижесінде Кеңес ҚР Ішкі істер министрлігіне заңмен белгіленген мерзім ішінде негізделген шешімді қабылдауды қамтамасыз етуді ұсынады. Сонымен қатар қадағалау тәртібінде орынжайды жалға беру және ұрып-соғу фактілеріне қатысты қылмыстық іс бойынша қабылданған шешімдердің заңдылығын тексеру қажет.

 Өз кезегінде Нұр-Сұлтан қаласынің Кәсіпкерлер палатасы кәсіпкер әйелдің құқықтары мен заңды мүдделерін қорғау бойынша жан-жақты кеңес беру-құқықтық көмек көрсетеді.

Юлия Якупбаева «Атамекен» ҚР ҰКП басқарма төрағасының орынбасары болып тағайындалды

Осыған дейін аталған қызметті атқарып отырған Алена Романова «Атамекен» ҚР Ұлттық кәсіпкерлер палатасының атқарушы хатшысы болып тағайындалды.

08 Қазан 2019 14:51 373

Юлия Якупбаева «Атамекен» ҚР ҰКП басқарма төрағасының орынбасары болып тағайындалды

«Атамекен» ҚР ҰКП төралқасының шешімімен Юлия Якупбаева басқарма төрағасының орынбасары болып тағайындалды, деп хабарлайды «Атамекен» ҰКП баспасөз қызметі.

Юлия Константиновна Якупбаева 1977 жылы Алматы қаласында туған. Қазақ мемлекеттік басқару академиясын «Қаржы және кредит» мамандығы бойынша аяқтады. 20-жылдық еңбек өтілі ішінде қатардағы маманнан бастап жоғары буын жетекшісіне дейін өскен.

Әр жылдары ҚР Ұлттық банкі, Қазақстан қаржыгерлері қауымдастығы, «Атамекен» Одағы» Қазақстанның ұлттық экономикалық палатасында қызмет еткен. «Атамекен» ҚР ҰКП басқарма төрағасының орынбасары қызметін атқарған (2014 жыл қазан – 2019 жыл сәуір).

 Юлия Якупбаева Қазақстан қаржыгерлері қауымдастығын басқарды (2017 жыл ақпан – 2018 жыл тамыз). Бірқатар компаниялардың тәуелсіз директоры- Директорлар кеңесінің мүшесі болған  («Қазақстанның депозиттерге кепілдік беру қоры» АҚ, «Технологиялық даму жөніндегі ұлттық агенттігі» АҚ, «Kazakh Tourism» ҰК» АҚ). ҚР Ұлттық экономика министрлігінің табиғи монополияларды реттеу комитеті басқармасының мүшесі.

2017 жылдан бастап ҚР Денсаулық сақтау министрлігі Қоғамдық кеңесінің мүшесі. 2019 жылдың сәуір айынан қыркүйек айына дейін «Атамекен» ҚР Ұлттық кәсіпкерлер палатасы Төралқа Төрағасының кеңесшісі болды.

Мемлекеттік және қоғамдық наградалардың иегері. ҚР Тұңғыш Президенті Н.Назарбаевтың Құрмет грамотасы, «ҚР Тәуелсіздігіне 20 жыл», «ҚР Тәуелсіздігіне 25 жыл» мерейтойлық медальдарымен, «Қазақстан Қаржыгерлері қауымдастығының «Мерей» қоғамдық орденімен, «Атамекен» ҚР ҰКП «Ісіне адалдығы үшін» ІІ дәрежелі медалімен марапатталған.

Жаңалықтарға жазылу: