Әлеуметтік желіде Өскеменде "маньяк пайда болды" деген ақпарат тарады, деп хабарлайды inbusiness.kz сайты YK-news.kz ақпарат порталына сілтеме жасап.
Дереккөзде "соңғы күндері бірнеше адамның денесі табылды. Олардың барлығы – әйелдер" деп жазылған.
Мұндай ақпараттың тарауына Өскемендегі саяжайлардың бірінің шетінен 45-50 жас аралығындағы белгісіз әйелдің мәйіті табылғандығы себеп болып отыр.
"Таратылып жатқан ақпарат шындыққа жанаспайды. Халыққа бұқаралық ақпарат құралдарын немесе ақпараттық-коммуникациялық желілерді пайдалана отырып, көрінеу жалған ақпарат таратқаны үшін жауапкершілік қарастырылғандығын ескертеміз. Тек ресми ақпарат көздеріне сеніңіздер", - деп хабарлады ШҚО Полиция департаментінен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
