Билеттер 25 тамыздан бастап сатылымға шығады, деп жазады inbusiness.kz сайты.
Ал бүгін, 22 тамызда концертке алдын алдын ала сатылым ашылады.
Италияның тумасы Андреа Бочелли – опера әншісі, бүкіл әлемнің жарық жұлдызы. 12 жасында қос жанарынан айырылса да, үлкен сахнаны армандауын доғармаған қиялшыл әнші әлемдік сахнада ойып тұрып орын алды. Ол – опера және эстрада жанрларын шебер тоғыстырған, қазіргі заманның ең танымал тенорларының бірі.
"Көп адам көрем деп ойлайды, шын мәнінде, ештеңе көре алмайды" – дейді өнер иесі.
Андреа Бочеллидің өзі болса, тыныштықты қатты жақсы көреді. 30 жылдан астам уақыт ішінде әнші 90 млн астам альбом сатқан, миллиардтаған тыңдалым жинап, итальян мәдениетінің символына айналды. Оның репертуарында классикалық ариялардан бастап, заманауи әндерге дейін бар.
