Бұған дейін ешқандай көрмеге қойылмаған, өнертанушыларға белгісіз Рембрандт салған екі портрет табылды. Картиналар жекеменшік қорда 200 жылдан астам уақыт сақталған, деп хабарлайды inbusiness.kz Financial Times газетіне сілтеме жасап.
Оның айтуынша, әдеттегідей картиналарды бағалау кезінде Рембрандттың екі картинасына Christie's аукцион үйінің мамандарының көзі түскен.
"Мені бұл картиналардың бұрын-соңды зерттелмегені таңқалдырды. Оларды Рембрандт туындылары тізімінде таппайсыз", - деді Генри Петтифер.
Financial Times жазғандай, Christie's картиналарды Амстердамдағы Рейксмузеум сарапшыларына талдау үшін жіберді, олар логистикалық және көркем-тарихи зерттеулер жүргізіп, Рембрандттың авторлығын растады. Талдаулар мен зерттеулер жүргізілгеннен кейін аукцион үйі де портреттерді шынайы деп таныды. Екі картинаның бағалау құны - € 5-8 млн.
Суреттерде суретшіге таныс ерлі-зайыптылар — Ян Виллемс ван дер Плуйм және оның әйелі Яапген Карелс бейнеленген болуы мүмкін.
