Дональд Трамп әкімшілігі 5 қыркүйекке дейін жағдайды түзетпесе, университеттің жүздеген миллион доллар тұратын патенттерін тартып алатынын ескертті.
Министрдің айтуынша, Гарвардтың Бэя-Доуль федералдық патент заңын сақтауына шұғыл тексеру басталды. Талаптардың қатарында – өнертабыстар туралы деректерді дер кезінде жариялау, өндірісті АҚШ-та орналастыруға басымдық беру және ғылыми әзірлемелерді қолданбалы ету шараларын күшейту бар. Сондай-ақ университет 5 қыркүйекке дейін федералдық қаржыландырумен алынған барлық патенттердің тізімін және олардың қолданылуы туралы мәліметті ұсынуы тиіс.
Гарвард өкілі бұл талаптарды университеттің құқықтары мен бостандықтарына қарсы "бұрын-соңды болмаған әрекет" деп атады және заңды толық сақтап отырғанын мәлімдеді.
Бэя-Доуль заңы 1980 жылы қабылданған, ол федералдық қаржыға жасалған өнертабыстардың құқықтарын мердігерлерге (университеттер, шағын компаниялар, т.б.) беруге мүмкіндік береді.
Трамп пен Гарвард арасындағы дау биыл көктемде өршіді – әкімшілік университетке антисемитизммен күреспейді деп айып тағып, 2 млрд доллардан астам қаржыландыруды тоқтатты, шетелдік студенттерді қабылдауға тыйым салмақ болды. Университет бұл өзгерістерге келіспей, сотқа жүгінді. Кейін президент Клодин Гэй айыптаулардан кейін отставкаға кетті.
