Инаугурациядан кейін Ақ үйдің сайты жаңартылды. Бұл қадам жаңа америкалық президент Джозеф Байденнің мәртебесін көрсету үшін жасалып отыр. Енді бұл сайттың испан тіліндегі нұсқасы іске қосылады. Бұл туралы CNN басылымы хабарлады.Дональд Трамп билікке келген жылы, яғни 2017 жылы веб парақша испан тілінде ақпарат таратуын тоқтатқан еді.
Whitehouse.gov-тың испан тіліндегі нұсқасы La Casa Blanca деп аталады.
Құрама Штаттардың бұрынғы президенттері Барак Обама мен Джордж Буш сайттың испан тілінде жүргізілуін қолдаған еді.
Еске сала кетейік, 20 қаңтарда Джо Байденді ұлықтау рәсімі өтіп, ол өз міндеттеріне ресми түрде кіріскен еді. Алғашқы жұмыс күнінде ол Трамп қол қойған бірнеше жарлықтың күшін жойды. Мысалы, АҚШ-ты Дүниежүзілік денсаулық сақтау ұйымының құрамына қайтадан енгізіп, климат жөніндегі Париж келісіміне кіргізді.
Табиғат Нұрболат
