RU KZ
Әкімдердің жұмысы жаңаша бағаланады

Әкімдердің жұмысы жаңаша бағаланады

14 Шілде 2020 22:33 275

Әкімдердің жұмысы жаңаша бағаланады
Алдағы уақытта әкімдер де жұмыстан айырылуы мүмкін.  

Қалыптасқан қиын жағдайға байланысты енді аймақтардағы атқамінерлердің қызметі  жаңаша бағаланатын болды, деп хабарлайды Atameken Business теларанасы.

Коронавирусқа қарсы шаралардың тиімділігін анықтау үшін жергілікті басшыларға тікелей қатысты қосымша 4 индикатор белгіленді. Оның ішінде дәрі-дәрмек мониторингісі де бар. Сәйкестік пе, әлде аталған жаңашылдық Алматы әкіміне жылдам жетті ме білмедік. Бірақ бүгін желіде Бақытжан Сағынтаевтің жаяу жүріп, дәріханаларды тексергені жайында бейнежазба пайда болды. Кезек күткен тұрғындармен сөйлескен әкімнің әрекетін біреулер қуана қабылдаса, енді бірі хайп деп бағалады.

Айта кету керек, өңірлердегі жалпы ахуал күн сайын 17 көрсеткіш бойынша бақыланады. Аталған индикатор бойынша Солтүстік және Шығыс Қазақстан облыстары әзірге бірінші орында. Ал, көш соңында Атырау облысы. Аймақта 17 индикатордың 5-і ғана орындалған.