/img/tv1.svg
RU KZ
Әкімнің талабын заңсыз деп таныған Шымкенттік жолаушы тасымалдаушылар шу шығарды

Әкімнің талабын заңсыз деп таныған Шымкенттік жолаушы тасымалдаушылар шу шығарды

Бұл жолы автопарк қожайындары жергілікті әкімді маршруттарды заңсыз тартып алып жатыр деп айыптауда.  

16 Қыркүйек 2020 21:21 224

Әкімнің талабын заңсыз деп таныған Шымкенттік жолаушы тасымалдаушылар шу шығарды

Шымкенттің жолаушы тасымалдаушылары тағы шу шығарды, деп хабаралайды Atameken Business.

Айтуларынша, бұрынғы әкімнің бұйрығы бойынша кәсіпкерлер жаңа көліктер сатып алу үшін белшеден қарызға кірген. Сол үшін 10 жыл мерзімге жолаушы тасымалдау құқығы уәде етілген. Қазір 11 компанияның әрқайсысының орта есеппен 100 млн теңгеден артық кредиттері бар. Алайда, қаланың жаңа басшысы автопарктерден табиғи газбен жүретін автобустарды сатып алуды талап етуде. Өйтпеген жағдайда келісімді бұзамын деп қорқытыпты. Кәсіпкерлердің қайта қарызға кіруге шамалары жетпейді. Бірақ, мүлдем табыссыз қалудан да қорқады. Сол себепті наразы топ прокуратурадан қала әкімінің әрекеті қаншалықты заңды екенін тексеруді сұрайды.

Елордада Қошқарбаев даңғылы 12 тамызға дейін жартылай жабық болады

Сарыкөл көшесінен Қордай көшесіне дейінгі аралықта жол жөндеу жұмыстары жүреді.

28 Шілде 2020 13:18 160

Жүргізушілер маршрутын алдын-ала жоспарлауы керек, деп ескертеді елорда әкімдігінің ресми сайты.

Қалалық көлік және жол-көлік инфрақұрылымын дамыту басқармасының хабарлауынша, көше-жол желісін орташа жөндеу аясында Қошқарбаев даңғылында Сарыкөл көшесінен Қордай көшесіне дейінгі аралықта жол салу жұмыстары жоспарланған. Осыған орай 28 шілде мен 12 тамыз аралығында көлік қозғалысы жартылай жабылмақ.

Шу ауданының әкімі тағайындалды

Жаңа әкімді аудан активіне облыс әкімінің бірінші орынбасары Бекболат Орынбеков арнайы таныстырды.

16 Маусым 2020 16:17 301

Жамбыл облысы әкімінің өкімімен, Президент Әкімшілігінің және аудандық мәслихат депутаттарының келісімімен Нұржан Календеров Шу ауданының әкімі болып тағайындалды, деп хабарлады Жамбыл облысы әкімінің баспасөз қызметі.

Жаңа әкімді аудан активіне облыс әкімінің бірінші орынбасары Бекболат Орынбеков арнайы таныстырды.

Ол ауданның бұрынғы әкімі Жарылқасын Айтақовтың өз өтініші бойынша қызметінен босағандығын жеткізді.

Бекболат Орынбеков Нұржан Календеровтің мемлекеттік қызметте, оның ішінде басшылық қызметтерде болып, мол тәжірибе жинақтағанын, өз ісінің білікті кәсіби маманы екендігін тілге тиек етті.

Облыс әкімдігі ауданның жаңа басшысының алдына өңірдің әлеуметтік-экономикалық дамуы, заңдылық пен тәртіпті сақтау, қоғамдағы бірлік пен келісімді нығайту бойынша бірқатар міндеттер жүктеп отыр.

Өз кезегінде Нұржан Календеров аймақ басшысына сенім білдіргені үшін алғысын жеткізіп, алдағы уақытта Шу ауданының дамуы мен өркендеуі жолында бар күш-жігерін жұмсайтынына сендірді.

Тұрғындар атынан сөз алған аудандық ардагерлер кеңесінің төрағасы Қазақбай Байжұманұлы жаңа әкім ауданды одан әрі шырайландыра түссе деген ниетін жеткізді.

Нұржан Сәбитұлы Календеров 1976 жылы Жамбыл облысында дүниеге келген. Білімі жоғары, 1997 жылы Жамбыл жеңіл және тамақ өнеркәсібі технологиялық институтын «халықаралық экономикалық қатынастар» мамандығы бойынша тәмамдаған.

Еңбек жолын 1997 жылы «Арнабол» ЖШС-де қарпайым есепші болып бастаған.

Тараз қалалық «МЗТО» бөлімінде аға маман, «МЗТО»  Жамбыл облыстық филиалындағы бас маманы, Жамбыл облысы әкімі аппаратының бас маманы, бөлім бастығы, басқарма басшысының орынбасары, қаржы басқармасының басшысы, Жамбыл және Қордай аудандарының, Тараз қаласының әкімі, Жамбыл облысы әкімінің аппарат басшысы қызметтерін атқарған.

2019 жылдың сәуірінен бастап бүгінге дейін Жамбыл облысы әкімінің орынбасары болып еңбек етіп келді.