Әкімдік зардап шеккен үйдің тұрғындарына көмек пен қолдау көрсету мақсатында бірқатар шараларды қолға алды. Алатау ауданының әкімі Азамат Қалдыбековтың төрағалығымен №54 үйдің алдында тәулік бойы жұмыс істейтін жедел штаб құрылды. Полиция қызметкерлері зардап шеккен азаматтардың мүлкінің қауіпсіздігі және сақталуын қамтамасыз етуде. Сондай-ақ жедел жәрдем қызметі жұмыс істеуде.
Зардап шеккен үйдің кіреберісі мөрленген, үйге тек оның тұрғындары ғана ішке кіре алады. Сондай-ақ, аумақта санитарлы тазалау ұйымдастырылған.
Өрттен зардап шеккен үйдің тұрғындарына жақын маңдағы дәмханадан азық-түлік беріледі. Олардың түнеуі үшін Алматы қаласының құтқару қызметі 250 төсек-орын әкелді. Сондай-ақ, қонақүйде 14 нөмірді брондалды.
- Зардап шеккендерге арналған сенім телефоны: 87071872507, 3989820
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
