Аққулардың өлімі: Маңғыстауда үй құстарына вакцинация жүргізілуде

259

Қаракөлде аққуларда құс тұмауы анықталуына байланысты үй құстарына екпе салынуда. 

 Аққулардың өлімі: Маңғыстауда үй құстарына вакцинация жүргізілуде Фото: Маңғыстау облыстық орман шаруашылығы және жануарлар дүниесі аумақтық инспекциясы

Бұл туралы Маңғыстау облыстық орман шаруашылығы және жануарлар дүниесі аумақтық инспекциясы хабарлады.

Қарақия-Қаракөл табиғи қорығының Қаракөл көлінде аққулар өлім-жітімін анықтау бойынша жұмыстар жалғасып жатқанын мәлімдеді инспекторлар.

Маңғыстау ветеринария басқармасы болса, Қаракөл көліндегі аққуларға азық жетпей жатқанын айтты. Құстардың популяциясын сақтап қалу үшін шұғыл түрде құстарды тамақтандыруды ұйымдастыру қажет. Бұл пікірді Маңғыстау облысының ветеринария басқармасының басшысы Бердібек Марқабаев айтты.

"Жүздеген өлген құс бұл қыста бірінші кезекте тамақ тапшылығынан қырылды. Аштық пен әлсіздік тұмаудың өршуіне әкеп соқтырды. Құс тұмауы екінші себеп болды. Өткен жылғы желтоқсандағы жағдайға ұқсас болды. Көп құс өлді. Аққулар құс тұмауының тасымалдаушысы болып табылады. Аққулар ауырып өлуде. Қайғылы жағдайды өршітпеу үшін құстарды тамақтандыруды қолға алуымыз қажет", - деді Бердібек Марқабаев.

Облыстың бас ветеринарының пікірінше, демеушілер мен еріктілер тамақтандыруды сатып алуға және ұйымдастыруға көмектесе алады. Басқарма құстарға егуді ұйымдастырумен айналысады. Қазіргі уақытта олар 6000-ға жуық құсқа екпе екті.

Естеріңізге сала кетейік, Қаракөл көлінде 227 аққудың өлімі ресми түрде расталды. Ақтау қаласының тұрғыны Азамат Сәрсенбаев аққулардың өлекселерін видеоға түсіріп, оның саны ресми мәліметтерге қарағанда едәуір көп екенін атап өтті. Зертханалық зерттеу нәтижелері аққуларда құс тұмауын анықтады.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу