Сенаттың жалпы отырысында басқа қызметке кетуіне байланысты депутат Ақмарал Әлназарованың өкілеттігі тоқтатылды, деп хабарлайды inbusiness.kz сайты.
Ақмарал Әлназарова Президенттің Жарлығымен Денсаулық сақтау министрі болып тағайындалды.
“ҚР Президентінің 2024 жылғы 6 ақпандағы нөмірі 459 Жарлығымен ҚР Сенатының депутаты Ақмарал Шәріпбайқызы Әлназарова ҚР Денсаулық сақтау министрі болып тағайындалды. Осыған орай ҚР ОСК сіздердің назарларыңызға ҚР Конституциясының 52-бабына, “ҚР Парламентінің және оның депутаттарының мәртебесі туралы” Конституциялық заңының 24-баның 3 және 8 тармақтарына сәйкес ҚР Парламенті Сенатының депутаты Ақмарал Шәріпбайқызы Әлназарованың депутаттық өкілеттігін мерзімінен бұрын тоқтату туралы мәселені шешу үшін ұсыным енгізіп отыр”, - деді ОСК мүшесі Шавхат Өтемісов.
Сенат тиісті қаулы қабылдады.
“Ақмарал Шәріпбайқызы 2020 жылы Қызылорда облысынан Сенат депутаты болып сайланду. Осы аралықта палатының заң шығару қызметіне және жоспарлы іс-шараларына белсенді атсалысты. Әлеуметтік даму және ғылым комитетінің хатшысы ретінде салалық мәселелерді оң шешуге үлесін қосты. Осындай еселі еңбегін ескеріп, палата бюросынык қаулысымен Ақмарал Әлназарова Сенаттың құрмет грамотасымен марапатталады”, - деді Сенат спикері Мәулен Әшімбаев.
