Ақмола облысының Целиноград, Ерейментау және Аршалы аудандарында құрғақ шөптің жану деректері тіркелді. Өрт ошақтары жедел сөндіріліп, елді мекендерге қауіп төнген жоқ, деп хабарлайды inbusiness.kz сайты.
Төтенше жағдайлар министрлігінің мәліметінше, өрт Целиноград ауданындағы Қабанбай батыр ауылының маңында, Ерейментау ауданындағы Тайбай ауылдық округінің теміржол бойында және Аршалы ауданындағы Байдалы ауылының маңында шыққан.
Жедел қабылданған шаралардың нәтижесінде жалпы аумағы 10 гектардан асатын өрт ошақтары толықтай жойылды.
ҚР ТЖМ азаматтарды өрт қауіпсіздігі талаптарын сақтауға шақырып, өрт немесе басқа да төтенше жағдай туындаған жағдайда 101 немесе 112 нөміріне хабарласуды ескертті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
