Ақмола облыстық Төтенше жағдайлар департаментінің мәліметінше, қайғылы оқиға 11 шілдеде аудан аумағындағы суға толған карьерлердің бірінде болған.
Алдын ала мәлімет бойынша, жеңіл автокөлік белгісіз себеппен суға түсіп кеткен.
– Бұл туралы хабар түскеннен кейін оқиға орнына Ақмола облысы мен Астана қаласы Төтенше жағдайлар департаменттерінің күштері мен құралдары жіберілді. Құтқарушылар жеткен кезде оқиға орнында полиция қызметкерлері болған, – деді Ақмола облыстық ТЖД ресми өкілі Ерсайын Қойшыбаев.
Апаттық-құтқару жұмыстары барысында мамандар су түбінен жеңіл автокөлікті шығарып, оның ішінен 8 және 12 жастағы екі қыздың мәйітін тапты.
Ведомствоның мәліметінше, отбасы бұл жерге демалуға келген. Қайғылы оқиғаның мән-жайы анықталып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
