Ақмола облысының "Астана-Петропавл" тас жолының 255 шақырымында бірнеше көлік соқтығысты және зардап шеккендер бар. Бұл туралы inbusiness.kz сайты Ақмола облысының Полиция департаментіне сілтеме жасап хабарлайды.
Полиция департаменті баспасөз қызметінің мәліметінше, жол-көлік оқиғасы Бурабай курорты аумағында жол ақысы төлейтін терминалдан 10-15 шақырымда болған.
Ресми мәліметке сәйкес, Астана бағытындағы КамАЗ жүк көлігінің 31 жастағы жүргізушісі жол-метеорологиялық жағдайды ескермей алда кетіп бара жатқан Toyota Camry жеңіл көлігіне соқтығысқан.
"Салдарынан тағы үш КамАЗ жүк көлігі мен үш жеңіл көлікке зақым келді. Түрлі дене жақаратымен "Авиценна-Бурабай" ЖШС ауруханасына КамАЗ жүк көлігінің жүргізушісі мен жеңіл көліктің екі жолаушысы жеткізілді", - деп түсіндірді ведомстводан.
Еске сала кетейік, Ақмола облысында бірнеше көлік соқтығысып, бір адам қайтыс болған.
