Жақсы ауданы әкімдігінің мәліметінше, Тарасов селолық округінің әкімі Мирасхан Мұратов қызметтік көлікпен Атбасар қаласына жұмыс бабымен барған.
"14 желтоқсан күні сағат 23.10-да "Алматы-Екатеринбор" автожолының 978-інші шақырымында Атбасар қаласынан қайтып келе жатқан Тарасов селолық округінің әкімі Мирасхан Балғабекұлы Мұратов қаза болды. Ол Атбасар қаласына стендтерге тапсырыс беру, қызметтік көлігінің майын ауыстырып, техникалық байқаудан өткізу үшін барды", - деді аудан әкімдігінен.
Мәлім етілгендей, Мирасхан Мұратов 1969 жылы 10 мамырда туған. 2019 жылдың қараша айынан бастап Жақсы ауданы Тарасов селолық округінің әкімі.
"Қазіргі кезде, осы оқиғаға байланысты іс қозғалып, тергеу шаралары жүргізілуде", - деп нақтылады әкімдіктен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
