Ақмола облысының әкімі Марат Ахметжанов Бурабай ауданына арнайы техниканы табыстады, деп хабарлайды inbusiness.kz сайты.
Робот-телеинспектор заманауи камералар мен сенсорлармен жабдықталған. Олар жоғары дәлдіктегі кескінді қамтамасыз етіп, құбырлардың күйін егжей-тегжейлі талдауға мүмкіндік береді және диаметрі 300-ден 1000 мм-ге дейінгі канализация құбырларындағы ақауларды анықтауға арналған.
Ақмола облысының әкімі Марат Ахметжанов жаңа көмекшіні және коммуналдық қызметтерге арналған мамандандырылған техниканың кілттерін, оның ішінде мазут тасымалдаушы, көпфункционалды КамАЗ, фермерлік және жолаушы Газельдер, сондай-ақ JAC және Haval пикаптарын тапсырды.
Жаңа техниканы тапсыру өңірдің коммуналдық инфрақұрылымын дамыту мен материалдық-техникалық базаны жақсартуда маңызды қадам болмақ.
