Облыстық ТЖД баспасөз қызметінің мәліметінше, бүгін таңғы сағат 04-50-де Щучинсктегі "Жомарт" базары өртенген.
"Ғимарат бір қабаттан тұрады. Өрттің аумағы 1700 шаршы метр, ғимараттың жалпы ауданы 3000 шаршы метр", – деп жазылған хабарламада.
Өртті сөндіруге 100-ге жуық маман, 25 техника жұмылдырылды.
"Өрт 2 сағаттан соң сөндірілді. Ғимараттан ер адамның денесі табылды. Алдын ала ақпарат бойынша ол – күзетші", – деп жазылған хабарламада.
Бүгінде оқиға орнында өрт сөндіру зертханасы мен полиция қызметкерлері жұмыс істеп жатыр. Өрттің неден шыққаны анықталуда.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
