Қосшы қаласының полиция бөліміне Целиноград ауданында уақытша тұрып жатқан Тюмень облысының тұрғыны – Ресей Федерациясының азаматынан өтініш түскен. Әйел адам 3 қарашада Telegram әлеуметтік желісіндегі чаттардың бірінен "тиімді бағам бойынша рубльді теңгеге айырбастау" туралы хабарландыру көреді. Ол хабарландыру авторымен байланысып, 72 мың рубльді теңгеге айырбастайды. Осылайша, алғашқы мәмілесі сәтті өтеді. Кейінірек ер адаммен кезекті валюта айырбастау туралы келісе отырып, жәбірленуші оның шотына 237 500 рубль (1,6 млн теңге) сомасында ақша аударады. Осы қолма-қол ақшаны алған күдікті өзінің құрбанымен арасындағы жалғыз байланыс құралы болған Telegram арнасын өшіріп тастаған.
Қосшы қаласының полиция бөлімі осы факті бойынша ҚР ҚК-нің 190-бабымен (Алаяқтық) сотқа дейінгі тергеу бастады. Күдікті адамды анықтау бойынша жедел-тергеу іс-шаралары жүргізіліп жатыр.
