Оқыс оқиға болған сәтте шахтада 2 жұмысшы болған.
"Олар 1990, 1991 жылдары туған. Жұмысшылар үйінді астынан шығарылды. Қазіргі таңда зардап шеккен 2 ер адам Астрахан ауданының ауруханасына жеткізілді. Олардың жағдайы орташа ауыр", – деп жазылды облыстық ТЖД-нің баспасөз қызметі таратқан хабарламада.
Шахтаның құлағаны туралы ақпаратты құтқарушылар түнгі 3-те алған.
Жұмысшылар телефон арқылы Астрахан ауданы Ақбейіт ауылындағы зардап шеккендерге шұғыл көмек керегін айтқан.
"Оқиға орнына жол талғамайтын "ТРЭКОЛ ВЕГА" көлігі жіберілді. Шахта құлаған кезде 2 жұмысшы 100 метр тереңдікте болған. Олардың жағдайы ауыр болды. Әріптестері кеншілерді шахтадан алып шығып, құтқарушыларға келгенше алғашқы медициналық көмек көрсеткен", - деп жазылды хабарламада.
Ауа райының қолайсыздығына байланысты жедел жәрдем көлігі оқиға орнына бара алмаған. Шахтаға құтқарушылар дәрігерлермен бірге жеткен. Олар зардап шеккен 2 жұмысшыны ауруханаға эвакуациялаған.
