23 маусым күні жергілікті полицейлерге жасөспірімнің туыстары хабарлаған, деп хабарлайды inbusiness.kz Polisia.kz-ке сілтеме жасап.
22 маусым күні кешкі сағат 21:00 шамасында отбасындағы кішігірім жанжалдан кейін қыз белгісіз бағытта үйден кеткендігі белгілі болды.
Бес сағат бойы полицейлер мен қыздың туғандары іздеу шараларын өткізді. Тәртіп сақшылары айналаны тексеріп, жасөспірімнің жақын таныстарынан жауап алды.
Нәтижесінде мектеп оқушысы түнгі 03:00 шамасында елді мекен көшелерінің бірінен табылды. Жоғалған адамға қатысты ешқандай қылмыстық іс-әрекеттер жасалмағаны анықталды. Қазіргі уақытта ол ата-анасына тапсырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
