20 ақпан күні сағат 12:40 шамасында Ақмола облысының Целиноград аудандық полиция бөліміне Қабанбай батыр ауылының маңында оқыс оқиға болғаны туралы хабарлама келіп түскен, деп хабарлайды inbusiness.kz сайты.
Алдын ала мәлімет бойынша экскаватор саз карьеріндегі тоғанға батып кетті. Кабинада 1996 жылы туған жүргізуші болған. Қазір оқиға орнында полиция мен төтенше жағдайлар қызметі жұмыс істеп, тоғаннан техниканы шығару жұмыстары жүргізіліп жатыр. Оқиғаның мән-жайы мен себебі анықталуда.
Полицейлер тергеу қорытындысы бойынша қолданыстағы заңнамаға сәйкес процессуалдық шешім қабылданатынын түсіндірді. Қосымша ақпарат оқиға егжейлі-тегжейлі тексерілгеннен кейін беріледі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
