2020 жылдың қараша айындағы жағдай бойынша ақпарат және байланыс саласында жұмыс істейтін заңды тұлғалар саны 12,5 мыңға жуықтады. Бұл өткен жылдың сәйкес кезеңінен 7,9% жоғары, деп хабарлады finprom.kz.
Олардың жарысынан көбі, яғни, 5,4 мыңы Алматы (бір жылда 7,1% артты) мен Нұр-Сұлтанда (бір жылда 12% артты) шоғырланған.
Ал елдің басқа өңірлерінде олардың саны 115 (Солтүстік Қазақстан) және 578 (Қарағанды облысы) аралығында.
Секторда компаниялардың 72%-ы жұмыс істеп тұрған мекемелер. Бір жылда олардың саны 14,8%-ға өсіп, 2020 жылдың қазан айының соңында 9 мың заңды тұлғаға жетті.
Олардың жартысынан көбі, яғни, 53,2%-ы немесе 4,8 мыңы белсенді жұмыс істейтін компаниялар. Ал сектордағы жаңа мекемелер саны 17,9%-ға артып, 1,7 мыңға жетті. Алайда уақытша жұмысын тоқтатқандары да 31,7%-ға көбейді.
2020 жылдың үшінші тоқсанында салада жұмыс істейтін мамандар саны 65,6 мың адамға жетті. Бұл өткен жылдан 2,5%-ға жоғары.
Ал сектордағы орташа жалақы 10,9%-ға өсіп, 276,1 мың теңгені құрады. Жалпы еліміздегі орташа айлық 204,3 мың теңгені құрайды.
Құралай Құдайберген
