АҚШ қарулы күштері Ауғанстаннан шығарылғаннан кейін, бұл елдің ЖІӨ-і 9,7%-ға төмендейді, деп хабарлайды Inbusiness.kz Fitch Solutions компаниясының болжамына сілтеме жасап.
"Америкалық әскери қызметшілердің шығарылуы және тәліптердің елді басып алуы қысқа мерзімді кезеңде экономикалық проблемаларға әкеліп соғуы мүмкін", – деп жазылған компания болжамында.
Бұған дейін сарапшылар Ауғанстан экономикасы биыл 0,4%-ға артады деп топшылаған еді.
Экономистердің пікірінше, келесі жылы елдің ЖІӨ 5,2%-ға қысқаруы мүмкін. Ал 2023 жылдан бастап бұл көрсеткіш жылына орташа есеппен 1,2%-ға артуы ықтимал. Егер Ауғанстан шетелдік инвестициялар тарта алса, 2023-2030 жылдар аралығында оның ЖІӨ 2,2%-ға өседі деген пікірде сарапшылар.
Табиғат Нұрболат
Фото: apnews.com
