АҚШ билігі індеттің жаңа толқынын "дельта" штаммының таралуымен байланыстырып отыр. Анықталған жағдайлардың тәуліктік саны 130 мыңнан асты.
Өткен аптадағы індетке шалдығушылардың саны 900 мыңнан асады. Сонымен қатар, ауруханаға жатқызылған балалар саны да өскен. Осыған орай, Ақ үй қайталама вакцина алу мерзімін белгіледі. "Бустерлік" инъекцияны 8 айдан кейін алуға болады.
Балкан Косово Республикасы барлардың жұмыс уақытын шектеп, түнгі клубтардың жұмысына тыйым салды. 20 тамыздан 1 қыркүйекке дейін мейрамханалар мен кафелер сағат 22:30-да жабылады. Келушілерді тек вакцинация сертификаты ұсынылған кезде қабылдай алады. Той қонақтарының ең көп саны 300-ден 150 адамға дейін шектелген. Бұрын мұндай шаралар Солтүстік Македонияда енгізілген болатын.
