АҚШ-тың B-2 стратегиялық бомбалаушы ұшақтары бейсенбі күні таңертең Йемендегі "Ансар Аллах" хуситтер көтерілісшілерінің бес жерасты бункерлеріне әуеден соққы берді, деп жазады inbusiness.kz сайты.
"АҚШ күштері хуситтердің аймақтағы азаматтық және әскери кемелерге шабуыл жасау үшін пайдаланған әртүрлі қару-жарақ құрамдастары бар бірнеше жерасты нысандарына соққы берді", – деді АҚШ қорғаныс министрі Ллойд Остин Пентагонның веб-сайтында жарияланған мәлімдемеде.
АҚШ Орталық қолбасшылығы операцияның "хуситтердің халықаралық коммерциялық кемелерге заңсыз шабуылдарын жалғастыру мүмкіндігін азайту үшін" жасалғанын айтты.
Мәлімдемеде келтірілген шығынды бағалау жұмыстарының жалғасып жатқаны және бейбіт тұрғындар арасында құрбан болғандардың анықталмағаны айтылған.
