АҚШ Ирактағы әскерилендірілген "Катаиб Хезболла" тобы қолданатын үш нысанға соққы берді. Бұл туралы 26 желтоқсанда АҚШ қорғаныс министрі Ллойд Остин мәлімдеді, деп хабарлайды inbusiness.kz сайты BBC телеарнасына сілтеме жасап.
Пентагон таратқан мәлімдемеге сәйкес, бұл соққылар Ирак пен Сириядағы американдық қызметкерлерге Иран демеушілік ететін жасақтардың бірқатар шабуылдарына жауап болып табылады. Сондай-ақ, 25 желтоқсанда Пентагон әуе базасына жасалған шабуыл салдарынан үш америкалық сарбаздың жараланғаны атап өтілді.
"Америка Құрама Штаттары аймақтағы қақтығысты ушықтыруға ұмтылмаса да, өз қызметкерлері мен нысандарын қорғау үшін бұдан әрі қажетті шараларды қабылдауға дайын", - деп түсіндірді Ллойд Остин.
Сонымен қатар, Пентагон басшысы соққылар АҚШ президентінің нұсқауымен жасалғанын айтты.
Осы уақытта, Иранның қолбасшысы Сейед Рази Мусави Израильдің Сириядағы болжамды соққысынан кейін қаза тапты.
