АҚШ Мемлекеттік хатшысы Энтони Блинкен Израильге құны 20 миллиард доллар болатын қару-жарақтың ықтимал сатылымын мақұлдады, деп хабарлайды inbusiness.kz сайты Интерфакс басылымына сілтеме жасап.
Пентагонның қорғаныс және қауіпсіздік саласындағы ынтымақтастық агенттігінің хабарлауынша, оның ішінде 50 F-15 жойғыш ұшағы, көлік құралдары, орта қашықтықтағы зымырандар мен танктер, минометтерге арналған оқ-дәрілер бар.
"АҚШ Израильдің қауіпсіздігіне мүдделі, біздің ұлттық мүддеміз үшін Израильдің әлеуетін күшті әрі өзін-өзі қорғауға дайын болуға көмектесу өте маңызды. Ықтимал сатылым осы мақсаттарға сай келеді", - делінген хабарламада.
Онда болжамды сату "Израильдің қазіргі және болашақ жауларының қауіп-қатерлеріне қарсы тұру қабілетін күшейтеді, оның аумағын қорғайды, сонымен бірге аймақтық қатерлерді тежеу құралы болады" делінген.
Америкалық БАҚ-тың жазуынша, бұл қару-жарақ Израильге жақын арада келмейді, себебі келісімшарттардың орындалуы бірнеше жылға созылуы мүмкін.
