/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
АҚШ карантинді біртіндеп тоқтатуға кірісті

АҚШ карантинді біртіндеп тоқтатуға кірісті

Трамп 3 кезеңнен тұратын жоспарды таныстырды.  

17 Сәуір 2020 21:12 174

АҚШ карантинді біртіндеп тоқтатуға кірісті

Вирустың таралу қарқыны жоғары болғанына қарамастан, АҚШ санитарлық шектеулерді біртіндеп алып тастайды, деп хабарлайды Atameken Business.  

Онда ең алдымен вирустың таралу қарқыны бәсеңдеген штаттарды ашу қарастырылған. Бүгінде 667 мың 801 америкалықтан КОВИД анықталды. Өмірден өткені – 32 мыңнан асады. Жергілікті сарапшылар келесі аптадан бастап науқастардың қатары күрт азаятынын айтқан. Бұл жақта анти көрсеткіштің жоғары болуына халықты жаппай тесттен өткізу әсер еткен дейді олар. Трамптың сөзіне сенсек, соңғы 7 күнде АҚШ территориясының 30  пайызында, яғни 850 ауданда вирус жұқтырғандар мүлдем анықталмаған. Сол себепті Ақ үй жетекшісі осы елдімекендердегі жұмысты жандандыруға тапсырма берді.

«29 штаттағы жағдай қиын. Әсіресе Нью-Йорк, Нью-Джерси сияқты қалаларда не болып жатқанын білесіздер. Оларды әзір ашпаймыз. Басқасы тәуір. Осы кезеңді өтсек, күзде тағы да вирус өршуі мүмкін деп жатыр. Оған қазірден бастап дайындықты күшейту керек. Халықты азық-түлік және медициналық жабдықтармен қамтамасыз ету үшін экономикамыздың жұмыс істегені керек», – Дональд Трамп.

Нью-Йорк соты Трампқа 2 млн 800 мың доллар айыппұл салды

Осы шудан кейін Трамп өзінің қайырымдылық қорын жауып тастаған болатын. 

08 Қараша 2019 16:33 509

Нью-Йорк соты Трампқа 2 млн 800 мың доллар айыппұл салды

АҚШ Президенті 3 жыл бұрын сайлау кампаниясына қажет қаржыны, өзінің қайырымдылық қорының есебінен алған. Нью-Йорк соты Трампқа осы әрекеті үшін 2 млн 800 мың доллар айыппұл салды.

Талап арызда Ақ үй жетекшісі және оның қорына иелік ететін 3  баласы сайлау кампаниясын қаржыландыру туралы заң талабын бұзған деп жазылған. Өйткені қайырымдылық қорынан қаржы аударылғанда салықтық жеңілдік жасалады.

«Трамптың қоры» соны тиімді пайдаланған. Осыдан кейін Нью-Йорктың Бас прокуроры Президентке және оның балаларына кез келген коммерциялық емес ұйымның директорлар кеңесі құрамына кіруге тыйым салды.

Осы шудан кейін Трамп өзінің қайырымдылық қорын жауып тастаған болатын.

Трамп салған тариф кесірінен Қытай 35 млрд доллар жоғалтты

Баж салығы көбейген соң, АҚШ азаматтарының қалтасы қағылды. 

06 Қараша 2019 14:45 251

Трамп салған тариф кесірінен Қытай 35 млрд доллар жоғалтты

БҰҰ-ның сауда және оны дамытуға жауапты сарапшылары, сауда шиеленісі кесірінен екі ел де зардап шегіп отырғанын айтады, деп хабарлайды Atameken Business.

Биыл импорт көлемі өткен жылмен салыстырғанда 25%-ға азайды. Бұрын 130 болса, қазір 95 млрд доллар. Салдарынан Америка нарығындағы арзан Қытай тауарларының бағасы шарықтап кетті.

Тараптар осы айда келісім жасауға тиіс. Егер өзара тіл табыса алмаса, онда Қытайдан келетін жалпы құны 500 млрд болатын тауар бағасы қымбаттайды.