АҚШ Қорғаныс министрлігі жанындағы Әскери қауіпті азайту жөніндегі агенттігі Қазақстанға медициналық бұйымдар мен жабдықтар жолдады. Бұл тегін көмектің ішіне жеке қорғаныс құралдарының көп рет қолданылатын жиынтығы – комбинезон, маска, қолғап, көзілдірік кіреді, деп хабарлады СІМ баспасөз қызметі.
Гуманитарлық жүкті қабылдау іс-шарасына Қазақстан Сыртқы істер министрлігі, "СҚ-Фармация" ЖШС және Нұр-Сұлтандағы АҚШ Елшілігінің өкілдері қатысты.
Айта кетсек, "СҚ-Фармация" ЖШС – COVID-19 коронавирус індетімен күресу үшін Қазақстанға ұсынылатын барлық гуманитарлық көмекті алу және бөлу жөніндегі уәкілетті орган.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
