Бұл Вашингтонның COVID-19 індетімен күресте көрсеткен кезекті көмегі деуге болады. Бұл жолы халықаралық даму агенттігі (USAID) арқылы зертхана материалдары мен қондырғылар беріледі.
Материалдық көмектің екінші кезеңінде жолданатын заттар мен бұйымдардың жалпы құны – 1,113 млн доллар. Осы арқылы COVID-19 індетімен байланысты төтенше проблемаларды шешіп қана қоймай, Қазақстанның пандемияға ұзақ мерзімді дайындығын қолдау жоспарланған", – деп жазады АҚШ елшілігінің баспасөз қызметі.
Мұхит асып келетін көмектің ішінде бұл жолы вирус сынамаларын таситын 50 мың жиынтық пен тестілеуге арналған Cepheid SARS-COV-2 картридждері бар.
"700 мың доллардың зертханалық материалы қараша айының ішінде жеткізіледі. USAID Қазақстанның стратегиялық дайындығын қолдауды жалғастырады. Жалпы осы елдегі COVID-19 індетімен күрес шараларына деп АҚШ 5,7 млн доллар бөлген", – деп жазылған елшіліктің баспасөз мәліметінде.
