/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
АҚШ Қазақстаннан жеткізілетін уранға шектеу қоя ма

АҚШ Қазақстаннан жеткізілетін уранға шектеу қоя ма

Бұл сұраққа «Қазатомөнеркәсіп» ұлттық компаниясы жауап берді.

20 Қыркүйек 2018 12:53 466

АҚШ Қазақстаннан жеткізілетін уранға шектеу қоя ма

Фото: kapital.kz

«Қазатомөнеркәсіп» ұлттық компаниясы егер АҚШ қазақстандық уранды жеткізуге шектеу қоятын болса, не болатыны жайлы айтты, деп хабарлайды LS.

Ведомство Америка президенті Дональд Трамптың әкімшілігі Қазақстан, Өзбекстан және Ресейден әкелінетін тауарды үлестеуді қарастырып отырғанын еске салып өтті. Бұған ішкі уран өндірушілердің мемлекетпен субсидияланатын импорт ядролық отын үшін отандық өнім жеткізушілердің жұмысына қауіп төндіреді деген петициясы себеп болған.  

«Қазатомөнеркәсіп»-тің келісімшарттар қоржынында АҚШ нарығына сату айтарлықтай емес. АҚШ-тағы жалпы уран тұтынудағы біздің үлесіміз үлкен емес, тап қазір шектеу болса немесе болмаса да  бізде одан ештеңе өзгермейді», - деді компаниядағылар.

Компания өкілдері АҚШ органдары кешенді қарау процесін әзірге аяқтамағанын, сондықтан Қазақстан тарапынан жеткізудің қысқаруы туралы айту әлі ерте екенін айтты.

Тегтер:

уран АҚШ

Нью-Йоркте ұсталған қазақстандық қыз босатылды

Адвокаттар мен консулдардың күш салуымен барлық тергеу жұмыстары аяқталғанша бостандықта болады. Негізгі сот тыңдалымы наурыз айына жоспарланған.

26 Қаңтар 2019 18:22 525

Нью-Йоркте ұсталған қазақстандық қыз босатылды

Алаяқтық күдігімен Нью-Йоркте тұтқындалған қазақ қызы тергеу жұмыстары аяқталғанша бостандықта болады, деп хабарлайды ҚазАқпарат.

Бұған дейін CBS телеарнасы хабарлағандай, Нью-Йорктің полиция басқармасы Бруклинде тұратын 24 жастағы Махаббат Әбдуалиеваны тұтқынға алған. БАҚ-тың хабарлауынша, қазақстандық қызға ұсақ ұрлық, алаяқтық мақсатта өзін басқа адам деп таныстыру айыптары тағылып отыр.

«Күдікті өзін риэлтор деп таныстырған және Ocean Parkway және тағы екі үйдің пәтерлерін жалға беретінін хабарлаған. Бірақ, клиенттерден алдын ала төлемді алған соң, кері байланысқа шықпаған»,  делінген жаңалықта. 

Бұл ақпаратты ҚР сыртқы істер министрлігінің ресми өкілі Айбек Смадияров растады.

«Иә, Махаббат Әбдуалиева – шынымен де Қазақстан азаматы. Оған алаяқтық бойынша айып тағылып отыр. Адвокаттар мен консулдардың күш салуымен қазақстандық қыз босатылды. Барлық тергеу жұмыстары аяқталғанша бостандықта болады. Негізгі сот тыңдалымы наурыз айына жоспарланған»,  деп жауап берді Айбек Смадияров.

Данияр Елеусінов 2019 жылғы алғашқы жекпе-жегін АҚШ-та өткізеді

Боксшы кәсіпқой рингте 5 рет жеңіске жетті.

22 Қаңтар 2019 12:56 308

Данияр Елеусінов 2019 жылғы алғашқы жекпе-жегін АҚШ-та өткізеді

Қазақстандық Олимпиада чемпионы Данияр Елеусінов (5-0, 3 КО) кәсіпқой рингтегі 2019 жылғы алғашқы жекпе-жегін АҚШ-та өткізеді, деп хабарлайды Vesti.kz.

Боксшының дайындығы туралы толығырақ оның менеджері Зия Алиев баяндап берді. 

«Жекпе-жек 15 наурызға белгіленген. Қарсылас әзірге белгісіз. Данияр жаттығуға кірісу үшін АҚШ-қа келесі аптада аттанады», – дейді менеджер. .

Оның сөзінше, алдағы уақытта жекпе-жек форматы анықталады. Елеусінов қатысатын Филадельфиядағы бокс кешінің басты жекпе-жегінде ирландиялық Кэти Тэйлордың жекпе-жегі болады. 32 жастағы боксшы қыз кәсіпқой рингте 12 жеңіске жеткен, ал титулды жекпе-жекте бразилиялық Роус Волантемен (14-0, 8 КО) жұдырықтасады.

Елеусінов соңғы рет былтыр қарашада Монакода никарагуалық Маркос Мохикамен жұдырықтасып, үшінші раундта техникалық нокаутпен жеңген болатын.