/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 426,81 Brent 36,55
АҚШ Конгресі Трамп импичменті бойынша дауыс беруді кейінге қалдырды

АҚШ Конгресі Трамп импичменті бойынша дауыс беруді кейінге қалдырды

Конгресс өкілдері палатасының спикері Нэнси Пелоси осындай мәлімдеме жасады. 

16 Қазан 2019 11:17 713

АҚШ Конгресі Трамп импичменті бойынша дауыс беруді кейінге қалдырды

Нэнси Пелосидің айтуынша, заңнамада америкалық президентке дәл қазір импичмент жариялауды міндеттейтін талап жоқ. Демократтардың мұндай шешім қабылдауына республикашылдар мен Ақ Үй тарапынан жасалған қысым ықпал етіп отыр. Дегенмен Пелоси бұның демократтар үшін маңызды мәселе екенін және шындыққа көз жеткізуге тырысып жатқанын алға тартты. 

9 қазанда спикер Ақ үйдің Трампқа импичмент жариялау рәсіміне қатысудан бас тартуы тергеуге кедергі келтіру және демократия құндылықтарына қайшы келтіру ретінде есептелетінін мәлімдеген еді. 

Ал бұған дейін Ақ үй Конгресс өкілдерінің палатасына ресми хат жіберген болатын. Құжатта тергеу амалдарын жүргізуге ешқандай заңдық негіз жоқ деп жазылған. 

Айта кетейік, АҚШ Конгресі Дональд Трампқа импичмент жариялау процесін 25 қыркүйекте бастады. Бірқатар басылымдар Трамп Украина преезиденті Владимир Зеленскийді 2020 жылы өтетін сайлаудағы өзінің бас қарсыласы саналатын Джо Байденнің үстінен жемқорлық ісіне қатысты тергеу жүргізуге мәжбүрлемек болғанын жазды. Демократтардың дерегінше, Трамп өз кезегінде Киевке қаржылай және әскери көмек көрсетуді ұсынған. Ал Зеленский болса, өзіне қандай да бір қысым жасалғанын жоққа шығарды.

Табиғат Нұрболат

Ұлыбританияда мерзімінен бұрын парламент сайлауы басталды

Төменгі палатаға 650 депутат сайланады. 

12 Желтоқсан 2019 16:02 203

Ұлыбританияда мерзімінен бұрын парламент сайлауы басталды

Біріккен Корольдікте британиялық парламенттің қауымдар Палатасына мерзімінен бұрын сайлау басталды. Бұл туралы BBC агенттігі жариялады.

553 депутат Англиядан, 59-ы Шотландиядан, 40-ы Уэльстен, ал 18-і Солтүстік Ирландиядан төменгі палатадағы мандатқа ие болады. Қай партияның қауымдар Палатасында өкілдері көп болса, сол партияға үкіметті құру құқығы беріледі. YouGov әлеуметтік компаниясы жариялаған мәлімет бойынша, көпшілік басқарушы Консерваторлар партиясы билікте қалады деген пікірде. 

Сауалнамаға қатысқандардың 42,6% премьер-министр Борис Джонсон жетекшілік ететін консерваторлар партиясын қолдап отыр. Егер де олар іс жүзінде солай дауыс берсе, тори партиясы қауымдар Палатасындағы мандаттардың көпшілігіне қол жеткізеді. 

Табиғат Нұрболат 

Майкл Блумберг АҚШ президенттігіне таласады

Оның сайлауалды кампаниясына 23 млн доллар бөлінген.

25 Қараша 2019 09:42 410

Майкл Блумберг АҚШ президенттігіне таласады

Америкалық кәсіпкер әрі Нью-Йорк қаласының бұрынғы мэрі Майкл Блумберг 2020 жылы өтетін президент сайлауына қатысатын болды. Ол Демократиялық партия атынан шықпақшы. Бұл туралы жергілікті ақпарат құралдары хабарлап жатыр. 

Миллиардер мемлекетті қалпына келтіріп, америкалықтарға тән «арманға сену» қасиетті қайтадан жандандыруға уәде етті. 

Ресми дерекке сүйенсек, Блумбергтің сайлауалды кампаниясына 23 млн доллар көлемінде қаражат бөлінген. 

Майкл Блумберг 1942 жылы АҚШ-тың Массачусетс штатында дүниеге келген. 2002 және 2013 жылдары аралығында Нью-Йорк мэрі қызметінде болған. Ол 2018 жылы Демократиялық партиядан кетіп, республикашылдардың қатарына қосылды. 

Айта кетейік, Құрама Штаттардағы саяси дода 2020 жылдың 3 қарашасында өтеді. 

Табиғат Нұрболат