АҚШ Құпия қызметінің басшысы Кимберли Читл ABC News-ке берген сұхбатында АҚШ-тың экс-президенті Дональд Трампқа жасалған қастандық кезіндегі қол астындағылардың әрекеттеріне жауапты екенін, бірақ отставкаға кетпейтінін айтты, деп хабарлайды inbusiness.kz сайты.
Екінші мерзімге үміткер Трамптың жақтастары сенбіде Пенсильванияда өткен митингіде болған оқиға күзет қызметінің дәрменсіздігін көрсетті деп санайды және Читлді Конгрестегі тыңдауларға шақырды.
"Жауапкершілік маған жүктеледі. Мен құпия қызметтің директорымын. Мен тексеруді қамтамасыз етіп, жеке құрамды қажетті ресурстармен қамтамасыз етуім керек", – деді ол.
Алайда Читл оқ жаудырылған ғимарат жергілікті құқық қорғау органдарының жауапкершілік аймағында болғанын айтты. Оның қызметкерлері дәл сахна аймағына жауап берген, ал атқыш шатырда орналасқан.
"Бұл жағдайда біз қолдауды осы нақты объект бойынша бөлдік. Құпия қызмет ішкі периметрге жауапты болды", – деді ол.
Читл отставкаға кетпейтінін айтты, деп хабарлайды ABC News.
