АҚШ әкімшілігі қазан айында жасанды интеллект саласында қолданылатын американдық жартылай өткізгіштерді Қытайға жеткізуге шектеулерді кеңейтуге ниетті, деп хабарлайды Reuters ақпарат көздеріне сілтеме жасап.
Сауда министрлігі АҚШ билігінен лицензия болмаған жағдайда жаңа буынның жартылай өткізгіштерін шығаратын Қытай зауыттарына микросхемаларды құруға арналған жабдықты сатуға тыйым салатын жаңа ережелер шығарады деп күтілуде. Лицензиясыз ҚХР-ға жасанды интеллект үшін чиптер жеткізу де мүмкін болмайды.
Жауапты орган жаңа ережелерге Қытайға қарсы қосымша шектеулерді қосуы мүмкін екенін атап өтті. Министрлік өкілі бұл ақпаратқа түсінік беруден бас тартты, бірақ ол "АҚШ-тың Ұлттық қауіпсіздігі мен сыртқы саясатының мүдделерін қорғау үшін іс-әрекеттерді жүзеге асырудың кешенді тәсілі аясында" деді.
Тамыз айында The Wall Street Journal АҚШ Қытайға сұрағанның бәрін, соның ішінде "көптеген жартылай өткізгіштерді" жеткізуді жалғастыруда деп хабарлаған. Сол айда АҚШ Президенті Джо Байденнің әкімшілігі Ресей мен Қытайға күрделі компьютерлік чиптерді сатуға жаңа шектеулер енгізді.
The New York Times газетінің хабарлауынша, шектеулер NVIDIA және Advanced Micro Devices шығаратын чиптердің жоғары сапалы модельдеріне қатысты.
Динара Мұрат
