Америкалық дипломатияның басшысы Twitter-де Африка еліндегі оқиғалар төңірегінде өз ойын білдірді, деп жазады Inbusiness.kz.
"Америка Құрама Штаттары Нигердегі конституциялық тәртіпті құлату әрекеттерін айыптайды және біздің серіктестігіміз тікелей демократиялық биліктің сақталуымен байланысты екенін еске салады", — деді Мемлекеттік департаменттің бастығы.
Энтони Блинкен сонымен қатар Нигер президенті Мохамед Базуммен жағдайды талқылап, "демократиялық жолмен сайланған" көшбасшысына қолдау білдіргенін айтты.
Reuters агентnігінің хабарлауынша, Нигер әскери күштері елордадағы бірқатар нысандарды, соның ішінде Ұлттық теледидар ғимаратын бақылауға алған. Оның эфирінде Базумның тақтан түскені, шекаралардың жабылуы туралы хабарланған болатын. Нигердің барлық әкімшілік мекемелерінің қызметі тоқтатылды.
